La Fo Orientasaun Ba Eskola Hapara Profesores Parsial

DILI, STLNEWS.co – Ministeriu Edukasaun (ME) la koalia ou fo orientasaun ba eskola publikas sira atu hapara profesores parsial sira neebe durante selu husi kontribuisaun inan aman (asosiasaun dos pais).

Haktuir Diretor Jeral do Ensinu Sekundariu, Deolindo da Cruz ba jornalista sira liu husi konferensia impresa iha salaun ME Vila-Verde Dili, Kuarta nee (24/01/2024).

Deolindo dehan, informasaun pertinetes sira neebe liga ho preokupasaun publiku konaba sirkular Ministeriu Edukasaun no 369/DGEE/2023 12 de Dezembru ba EPE,EB no sekundariu. Tanba nee ME liu husi Diresaun Jeral Ensinu Pre eskolar, ensinu baziku no ensinu rekorenti hamutuk ho diresaun jeral ensinu sekundariu hakarak hatoo ba publiku, sirkular refere la koalia ou fo orientasaun ba eskola publika sira atu hapara profesores parsial sira neebe durante nee selu husi kontribuisaun inan aman (Asosiasaun dos pais) no voluntariu sira, informasaun nee la los.

“Kontribuisaun neebe durante nee lao hela entre eskola publika ho inan aman bazeia ba akordu mutuo nee bele kontinua lao nafatin (DL. no. 32/2023, art. 87 no DL. no. 33/2023, art. 93, de 31 de Maio) kontribuisaun neebe sita iha pontu dois neebe mak balun inspetores eskolar sira rekolha ona, provizoriamente sei entrega fila fali ba eskola ida-idak hodi asegura desidi liu husi reuniaun entre eskola ho inan aman (asosiasaun dos pais) hodi hetan akordu mutuo,” nia esplika.

(jac)

LEAVE A REPLY

Please enter your comment!
Please enter your name here