DILI, STLNEWS.co – Laiha profesores mate klamar iha eskola Munisipiu Vikeke, tanba dadus voluntariu iha primeiru faze asina kontratu nee hamutuk 155, tanba sira iha kapasidade no kada loron ativu iha eskola.
Kestaun nee hatoo husi Diretor Servisu Edukasaun Munisipiu Vikeke, Domingos Brandao iha Munisipiu Vikeke ba STL liu husi telefone, Tersa nee (04/07/2023).
“Dadus ita nian profesores voluntariu neebe ami haruka ba ministeriu asina kontratu nee hamutuk 155, tanba sira nee rekruta iha tinan 2006, 2007, 2009 mai too 2011, no ami nian rekruta foun laiha, tanba nee ba munisipiu seluk hau la hatene, maibe ba Vikeke laiha profesores mate klamar,” tenik nia.
Tuir Domingos, konaba atu reavalia hikas ba profesores kontratu sira, nee kompetensia ministeriu ninia, maibe sei husu nia Diretor Munisipal sira, tanba husi Vikeke dadus nee profesores neebe mak kada loron ativu iha eskola, laos ba foti fali profesores neebe la ativu iha eskola.
(jac)
