DILI, STLNEWS.co – Ministeriu Edukasaun (ME) sempre halo kobertura ba livrus iha eskola, maibe depende ba kapasidade orsamentu neebe iha.
Lia hirak nee hatoo husi Direitor Jeral Administrasaun Jestaun no Finansas husi ME, Antoninho Pires ba STL liu husi telefone, Sabadu nee (22/07/2023).
“Hau hanoin hanesan baibain ita boot sira hatene katak, konaba materia prosesu ensinu aprendizajen, livrus nee ministeriu edukasaun sempre halo kobertura, maibe depende ba iha kapasidade orsamental neebe estadu iha liu husi ministeriu edukasaun, tanba tinan-tinan ita sempre iha hela osan para atu alokadu, hodi produs nafatin livrus neebe presiza iha eskola,” nia komenta.
Antoninho dehan, livrus sira neebe mak aloka ba eskola sira hodi bele apoiu profesores no estudantes sira iha ensinu aprendizajen, tanba tinan-tinan governu liu husi ME iha orsamentu neebe alokadu ba livrus.
“Ho ida nee ba ita nian materia sira ensinu aprendizajen ninia nee ami husi parte ministeriu halo nafatin kobertura ba livrus iha ita nian eskola, liu-liu ba ita nian eskola neebe too agora sei menus livrus,” nia komenta.
(jac)
