ME Lansa Programa Eskola Iha Uma


BAUKAU, STLNEWS.co – Ministra Edukasaun (ME) Dulce de Jesus Soares halo lansamentu ba programa Eskola iha Uma, iha Munisipiu Baukau.

Liu husi intervista Ministra Edukasuan, Dulce de Jesus Soares dehan, ohin 5 Dezembru 2023, Ministeriu Edukasaun hamutuk ho Autoridade Munispiu Baukau, halo lansamentu ba programa eskola iha uma.

“Ohin Ministeriu Edukasaun hamutuk ho Autoridade Munispiu Baukau, Autoridade Servisu Edukasaun Munisipiu Baukau, komunidade inklui fasilitador sira halo lansamentu ba programa Prontidaun Eskola, hanesan kontinuasaun programa Eskola iha Uma. Programa nee sei realiza iha postu 6 iha Munisipiu Baukau no partisipa husi estudante pur volta 500, fasilitador hamutuk 48,” dehan Ministra Edukasuan, Dulce de Jesus Soares iha Salaun INFORDEPE Munisipiu Baukau, Tersa (5/12/2023).

Ministra nee salienta, programa nee atu halo preparasaun ba labarik sira neebe seidauk asesu ba Pre-Eskola no Ensinu Baziku, tanba labarik barak hela dook husi eskola, mezmu balun hela besik eskola maibe seidauk iha oportunidade ba eskola, tanba tinan seidauk too.

“Programa iha nee mos hanorin labarik sira atu hader sedu para ba eskola no konhese literasia bazika no sira tinan too tama ba Pre-Eskolar ka Ensinu Baziku sira iha konhesimemtu natoon ona,” tenik ministra.

Nia salienta, atu programa nee lao ho diak, nia husu ba autoridade lokal hanesan Xefi Suku no Xefi Aldeia neebe foin simu pose, atu halo kooperasaun diak ho komunidade para programa nee lao ho susesu, tanba programa nee sei halao iha komunidade nia leet, no sei partisipa husi komunidade nia oan sira.

Kontinua ba pajina 2

LEAVE A REPLY

Please enter your comment!
Please enter your name here