DILI, STLNEWS.co – Eskola Baziku Sentral (EBC – sigla portugues) 30 de Agostu hetan apoiu orsamentu US$ 1.140 resin ba reabilitasaun sala ualu (8).
“Ita boot sira haree, nee reabilitasaun ba ami nian sala 8, neebe agora daudaun ami nian badaen sira halo hela reabilitasaun. Reabilitasaun sala 8 nee gasta osan US$ 1.140 resin, nee orsamentu mai husi Ministeriu Edukasaun, nee projetu komunitariu, tuir planu lo-loos remata ona, maibe tanba kestaun tekniku balun neebe failansu,” dehan Diretor EBC 30 de Agostu, Filomeno Salsinha ba STL iha nia knaar fatin, Segunda nee (01/08/2022).
Nia dehan, total profesores hanorin hamutuk 65, sala aprendizajen hamutuk 18, maibe durante nee eskola fahe ba turnu 2, dader no meudia, tanba sala balun neebe sei iha reabilitasaun nian laran.
Iha fatin hanesan, Patricia da Costa hanesan estudante hatete, daudaun nee sala 8 sei hadia hela, maibe sira nian atividades prosesu aprendizajen kada loron lao normal hanesan baibain.
(jac)
