MEJD-MS & Mary Mackillop Asina Kooperasaun Trilateral

DILI, STLNEWS.co – Asina Kooperasaun trilateral entre Ministeriu Edukasaun Juventude (MEJD), Ministeriu Saude (MS) no Mary Mackillop Today iha salaun MEJD.

Liu husi diskursu, Ministru Edukasaun Juventude no Desportu (MEJD), Armindo Maia hatete, asinatura MoU trilateral entre MEJD, MS no Mary Mackillop Today relasiona ho programa ida naran literasia saude. Buat nee lao tinan rua ka tolu ona, maibe ohin halo asinatura formal ida hodi bele garante kontinuasaun kooperasaun ida nee.

Agora iha programa merenda eskolar, saude eskolar, buat sira nee hotu iha problema boot ida neebe enfrenta, liu-liu iha area edukasaun. Para aleinde falta sala de aulas,no problema boot ida infrenta iha eskola mak kestaun de saude iha eskola, liu-liu konaba bee mos no haris fatin.

“Ita koalia konaba saude bee laiha, nee mos problema boot ida, tanba problema bee mos iha eskola sai problema boot, eskola balun neebe iha ona, maibe eskola lubuk ida mak seidauk asesu ba bee mos, ita koalia konaba saude seim bee mos, tanba problema bee mos, nee laos problema neebe afeita deit iha eskola, maibe ita nian sosiedade neebe barak seidauk asesu bee mos,” dehan nia liu husi diskursu iha salaun konferensia MEJD Vila-Verde, Tersa (06/06/2023).

Armindo dehan, bainhira dada bee ba eskola,tenke liu husi komunidade nia let,bainhira bee too iha eskola. Nee problema neebe mak durante nee infrenta ona, maibe problema ida mak bee kompletu no haris fatin iha, maibe professores no estudante sira uza haris fatin la hatene, maibe liu husi koperasaun ida nee, lori Ministeriu nian naran hakarak agradese ba MS ho mary mackillop today, tanba halo koperasaun neebe mak importante tebes.

Nunee mos Country Direitor Mary mackillop today, Alipio Baltazar dehan, onra boot ba mary mackillop ohin bele asina nota intendimentu ida nee, tanba nota intendimentu ida nee hanesan parte ida husi Mary Mackillop Today ho MEJD no MS, konsege finaliza atividades sira durante tinan tolu nian laran.

“Durante tinan tolu nian laran ita konsege halo servisu sira, tuir kompromisu no responsabilidade idak-idak ninia, husi parte Mary Mackillop Today,parte MEJD no ms, agradese mos ba Infordepe, neebe durante nee servisu hamutuk too apoiu masimu ba implementasaun programa iha tinan tolu nian laran,” nia esplika.

Nia akresenta, konsege kobre eskola 72, formasaun ba manorin sira neebe mak hetan monitorizasaun husi Infordepe, MEJD no MS halo koordenasaun husi nivel nasional too iha munisipiu, relasiona ho formasaun, monitorizasaun no akompanhamentu.

(jac)

LEAVE A REPLY

Please enter your comment!
Please enter your name here