MEJD Rezeita Informasaun Kansela Profesores Kontratu

DILI, STLNEWS.co – Ministeriu Edukasaun Juventude no Desportu (MEJD) rezeita informasaun neebe dehan, atu kansela profesores voluntariu neebe iha primeiru faze asina ona kontratu husi ministeriu.

Kestaun nee hatoo husi Diretor Jeral Administrasaun Jestaun no Finansas husi MEJD, Antoninho Pires ba STL iha nia knaar fatin, Kinta nee (22/06/2023).

“Informasaun ida nee ami bele dehan katak la los, tanba MEJD ho Komisaun Funsaun Publika seidauk hasai esteitmentu ida atu kansela profesores voluntariu neebe asina ona kontratu iha primeiru faze, ida nee la los, prosesu ida agora daudaun atu halo pagamentu nee iha ona Komisaun Funsaun Publika, husi Komisaun Funsaun Publika sei verifika atu bele autoriza halo pagamentu,” dehan Pires.

Pires dehan, total profesores neebe asina kontratu iha primeiru faze nee hamutuk 1.750, solusaun husi MEJD nee final ona, tanba agora daudaun sira halo hela prosesu tuir naran neebe publika ona iha jornal republika, nee duni bainhira atu kansela, ida nee tenki iha razaun seluk.

“Ami rezeita informasaun ida nee, se karik Komisaun Funsaun Publika entaun ba husu iha Komisaun Funsaun Publika, numeru neebe ohin hau mensiona nee hahu husi nivel pre eskolar too tekvo no sekundariu jeral. Agora ba reklamantes iha segundu faze ninia selesaun hotu ona, hanesan baibain hau dehan ona katak, antes 30 Julhu, sira bele prienxe vagas 500,” katak nia.

Pires dehan, Konaba profesores kontratu ninia agora daudaun dekretu lei neebe sira hadia lei konaba rejime kareira, sira hadia tiha ona, no hetan promulga, foin mak sira hetan ona publikasaun iha jornal republika.

“Iha ona publikasaun jornal republika, depois MEJD nian knaar agora atu halo insersaun nee katak, muda fali husi prosedimentu ida neebe uluk iha dekretu lei numeru 23 nee atu muda ba fali iha dekretu lei ida neebe agora daudaun hadia nee, tanba publikasaun nee foin simu iha semana ida nee, entaun ami tenki prepara para atu bele halo insersaun,” tenik nia.

Iha sorin seluk, Mateus Pinto Tilman nudar profesor husi EBC Bidau akadiru-hun husu ba governu foun mai nee bele rezolve ba rejime profesor, ba profesor sira nian, tanba nee husu ba governu foun nee atu bele toma atensaun ba profesor sira hodi bele realiza ho diak.

“Ba loron ida nee hau hakarak atu esklarese katak, ba governu foun mai, kapas no ukun neebe furak, no espera katak ba rejime Jeral neebe profesor sira nian katak, Presidente Republika promulga tiha ona, hanesan profesor senti orgulhu tebes,” haktuir nia.

(jac)

LEAVE A REPLY

Please enter your comment!
Please enter your name here