MESSK Sei Fo Apoiu Atividades CNC

DILI, STLNEWS.co – Ministeriu Edukasaun Superior Siensia no Kultura (MESSK) sei fo apoiu atividades tomak iha Centro Nacional Chega (CNC).

Ministru Edukasaun Superior Siensia e Kultura, Jose Honorio da Costa Pereira Geronimo hatete, CNC mai partisipa iha atividades konferensia konvida peritus sira, hodi koalia konaba istoria, tanba luta ba kooperasaun nee ema barak. Agora daudaun CNC halo seminariu hodi bolu matenek nain sira, koalia konaba oinsa bele halo istoria ba komunidade.

Lia hirak nee hatoo husi Ministru Edukasaun Superior Siensia e Kultura, Jose Honorio da Costa Pereira Geronimo ba jornalista sira iha edifisiu CNC, Balide, Tersa nee (11/07/2023).

“Husu partisipasaun komunidade sira nian para bele iha balansu nasional ida, tanba istoria sira nee importante ba Timor oan. Hau hanoin hanesan Ministru Ensinu Superior sei fo apoiu nafatin ba atividades tomak CNC nian, atu bele hakerek istoria, para ita nian joven sira aprende, karik iha posivel tama iha kurríkulu nasional ruma, para estudantes sira bele aprende iha ensinu sekundariu bele mos ensinu superior,” nia hakotu.

(jac)