DILI, STLNEWS.co – Orasamentu Jeral Estadu (OJE) 2024 ba Ministeriu Edukasaun (ME) ho montante US$ 1.6 neebe aprova husi Konselhu Ministru (KM), sei tau prioridade ba area hotu.
Ministra Edukasaun (ME), Dulce de Jesus Soares afirma, OJE 2024 ho montante US$ 1.6 neebe aprova husi Konselhu Ministru ba ME, tau prioridade liu ba bens star profesores, hanesan salariu ba profesores, material didatiku, konstrusaun ba eskola, reabilitasaun eskola, funsionamentu ME nian, formasaun ba profesores ezame nasiona, programa sira nee mak importante tebes ba ME. Alokasaun orsamentu jeral nee mai ho nia kategoria kedas, salariu vensimentu, kapital dezemvolvimentu, kapital menor.
“ME laos haree ida nee deit, maibe haree mos ba eskola publiku sira, oinsa mak atu garante lalaok merenda eskolar neebe lao, konstrusaun eskola neebe lao. Entaun ida nee sai servisu boot ida ba ME liu husi inspensaun jeral,” Esplika ME Dulce ba jornalista iha EBF 12 Outubru Tasi –Tolu, Tersa nee (03//10/2023).
Iha parte seluk, Kordenador Pre eskolar Sagrada Familia Vila-Verde, Cornelio Antonio Soares hatete, karik iha OJE 2024 bele aumenta sura nian sala aprendizajen, inklui rekruta guarda eskola neebe too agora seidauk iha pre eskolar refere.
“Hau hanoin ami nian sala aprendizajen menus, tanba ami nian sala neebe iha, lori triplek mak fahe,” nia esplika.
(jac)
