DILI, STLNEWS.co – Organizasaun Mundial Saude (OMS) entrega dasi tetu todan hamutuk 140 unidades ba Ministeriu Edukasaun (ME).
“Ohin dader ida nee ema barak tebes-tebes, reprezentante husi saude mundial nian nomos direitor sira husi ME asiste promove dasi neebe mak oferese husi OMS nian mai iha ME, tanba nee ohin dader kmanek ida nee, ita hotu halibur aan iha fatin ida nee asisti serimonia ida nee. Dasi tetu todan no sukat aas ida nee sei fo ba iha ensinu baziku sira nivel teritoriu tomak, dasi neebe mak oferese mai nee sei ba hotu sira,” dehan Sekretariu Estadu Ensinu Sekundariu Jeral no Tekniku Vokasional, Domingos Lopes Lemos ba jornalista iha sala konferensia ME, Tersa nee (21/11/2023).
Nia dehan, dasi neebe oferese husi OMS mai ME nee hamutuk 140 unidades, fahe hotu ba eskola sira neebe mak tuir, maibe sei haree lai, laos atu fo deit, fo formasaun ba sira no utilizasaun oinsa, nee husi ekipa diresaun asaun sosial eskolar sei tun ba iha eskola sira, agora foin simu dasi, depois sira sei halo planu.
“Aban husi DNASE sei halo planu, ba oin bele fahe ba ita nian eskola ensinu baziku sira, liu-liu ita nian ensinu baziku sira,” nia afirma.
(jac)
