OEKUSI, STLNEWS.co – Reprezentante povu iha uma fukun Parlamentu Nasional(PN) husu ba governu liu-liu Ministeriu Agrikultura Peska, Pekuaria no Floresza (MAPPF) atu hadia irigasaun iha Maliana 1 no Maliana 2, ho nunee bele fasilita diak liu tan povu agrikultor sira atu produs.
“Ita haree politika governu nian mak atu hasae produsaun iha rai laran, tan nee atu hasae produsaun mak tenki fo importansia ba irigasaun sira neebe mak aat ona, karik governu hadia irigadaun mak bele fasilita diak liu tan servisu agrikultor sira nian iha baze hodi hasae produsaun,” lia hirak nee fo sai husi Deputadu KHUNTO, Antonio Verdial ba STL iha PN, Kinta (07/09/2023).
Nia afirma, atu hasae produsaun rai laran hodi garante ai haan, mak ba oin governu tenki fo atensaun ba irigasaun, bee dalan, oinsa bele tampung bee nee ho diak, nunee bele fornese diak liu tan ba agrikultor sira nia toos ho natar, tanba agora bai loron mos naruk, tan nee presiza konservasaun bee sira nee ho diak.
(mad)
