DILI, STLNEWS.co – Tuir informassun neebe iha atu halo revizaun ba menu programa merenda eskolar, tanba too agora sei uza menu neebe tuan.
Asuntu nee hatoo husi Diretor Servisu Edukasaun Munisipal Manufahi, Trinito Sarmento hatete, iha informasaun balun dehan atu halo revizaun ba menu, maibe too agora seidauk. Ho ida nee too agora sei kontinua uza menu tuan neebe durante nee implementa ona iha eskola sira hotu.
“Hau hanoin konaba programa merenda eskolar, fim de Setembru remata ona. Programa nee ami bazeia ba manual neebe mak husi ministeriu fo, tanba menu nee husi Ministériu Edukasaun Juventude no Desportu (MEJD) no Ministeriu Saude mak elabora mai,” dehan Trinito ba STL liu husi telefone, Kuarta nee (27/07/2022).
Nunee mos Diretor Jeral Administrasaun, Management no Finansas MEJD, Antoninho Pires hatete, programa merenda eskolar nee presiza lao diak iha eskola, nunee estudante sira kada loron bele asesu diak programa ida nee.
(jac)
