Profesor 57 Garante Hanorin Estudante 561 Sai Kualidade

DILI, STLNEWS.co – Profesor permanente nain 57 iha Eskola Bazika Filial 30 Agostu, garante hanorin estudante foun ho numeru 561, ho kualidade diak.

“Ami simu estudante tuir politika governu liu husi Ministeriu Edukasaun nian, katak labele simu estudante barak, maibe husi Eskola 30 Agostu simu estudante numeru nee altu oituan, maibe ami profesor nain 57 sempre garante atu orienta sira iha kapasidade neebe ho kualidade diak,” dehan Diretor Ensinu Baziku Filial 30 Agostu, Vitorino da Silva “Vairia” ba STL iha Komoro, Tersa (16/01/2024).

Nia hatete, setor edukasaun atu sai kualidade liu, presiza mos iha profesor neebe iha abilidade servisu no kapasidade oinsa bele hanorin estudante sira iha area informal no formal nian, hodi mentaliza sira sai diak, no kontinua iha noun-formal, hodi sira bele sai iha esperensia neebe diak liu tan.

Tanba nee, fiar katak estudante sira neebe daudaun nee rejista sira nia aan mai eskola iha 30 Agostu nian, ho numeru profesor neebe natoon atu hanoin sira, ho objetivu ida atu orienta sira sai estudante ida neebe diak no esperiensia kualidade, hodi lori nia futuru brilhante ba nia aan no nasaun Timor Leste.

Politika Ministeriu Edukasaun tau kurikulu neebe diak, oinsa atu hanorin estudante sira tuir kriteria edukasaun nian neebe iha, hanesan aprende lingua no kontajen sira seluk, signifika profesor no profesora sira mos tenki prepara antes estuda hodi mai hanorin estudante sira.

“Iha parte seluk mos ita haree, estudante sira atu sai matenek no la matenek nee preokupasaun ida husi informal, entaun hanesan familia estudante mos tenki haforsa edukasaun iha informal, hodi mai iha noun-formal atu tama informal, hodi regula sira sai ema neebe diak no kualidade,” nia tenik.

Tanba tuir kriteria edukasaun ba profesor sira iha direitu atu hanoin, maibe hanoin mos estudante sira tenki estuda atu bele fortifika situasaun ida, atu lori kualidade edukasaun ba, tanba pursentu no kualidade edukasaun sei menus, tanba regra oinsa estuda mak sei menus.

Presiza aprende, tanba aprende laiha rohan, presiza estuda, tanba estuda laiha limitasaun, nunee fiar ba estudante 561 sei estuda no aprende nafatin hamutuk ho profesor no profesora kontratadu 57 iha Eskola 30 Agiotu, atu bele kapasita sira nia kapasidade aan ho kualidade.

Nia husu ba Ministeriu Edukasaun atu aumenta mos numeru professor sira, hodi hanorin ba estudante sira, tanba numeru estudante makaas liu profesor sira.

Iha parte seluk, Profesor Carlos da Silva afirma, kualidade edukasaun nee mai husi ema idak idak nia aan, tantu profesor ka estudante, tanba atu kualifika setor refere nee mai husi konhesimentu ida neebe bele engata prespetiva adekuadu ruma, para oinsa edukasaun nee bele ba oin.

(EST 1)

LEAVE A REPLY

Please enter your comment!
Please enter your name here