DILI, STLNEWS.co – Tinan nee Ministeriu Edukasaun (ME) halo ona pagamentu osan retroativu ba profesores hamutuk 200 ital, iha teritoriu laran.
“Retroativu ba profesores ba lei foun neebe iha dekretu 31 nee, ME sei halo tipu de giaun ida, hodi deskreve fila fali tuir dekretu nee haruka. Atu haree ba buat balun neebe hodi halo, ba ajustamentu depois mak ita foin halo enseresaun ba dekretu nee rasik. Ita kuandu ensera ona nee, para ema hotu-hotu la hetan injustisa ka lakon sira nia direitu, por ezemplu sira neebe hanorin tinan naruk nee, depois mak atu tuir giaun nee oinsa,” haktuir Direitor Jeral Administrasaun Jestaun no Finansas husi ME, Antoninho Pires ba jornalista iha ME, Tersa nee (22/8/2023).
Tuir Pires, hanorin iha tinan 2018, sai husi profesores ba kategoria A ka B nia eskalaun nee saida, tanba nee mak ME tenki halo giaun nee para atu haree. Lista profesores neebe atu hetan osan retroativu nee ME iha.
“Ami halo pagamentu tuir prosesu tomak, ami halo ona pagamentu no balun seidauk halo pagamentu, nee sei hein fali ano fiskal foun mak ita halo ona pagamentu. Maibe balun neebe ita halo pagamentu nee hamutuk 200 ital profesores mak ami halo ona pagamentu retroativu ba 2023 nian. Hahu husi nivel pre-eskolar too sekundaria, agora hela deit 20 ou 30% mak ME seidauk halo pagamentu. Maibe konaba numeru karik 300 ka 400 ital profesores mak seidauk simu sira nia osan retroativu,” dehan nia.
Antoninho dehan, maibe ba sira neebe seidauk hetan osan retroativu nee hein fali ba tinan oin, depende ba orsamentu ME nian. Tanba osan ba retroativu nee depende ba ida-idak nia kareira. balun tinan 2, 3, 4 too tinan 5. Kuandu sira hetan promosaun iha grau, entaun sira nee mak hetan retroativu.
Atu hetan retroativu nee laiha kriteriu, maibe haree ba sira nia avaliasaun dezempenhu.
Iha fatin seluk, Direitor ESJ nu 4 Setembru Balide,Martinho de Menezes hatete, salariu deit seidauk tama, nee atu hatene oinsa, maibe iha sira nian eskola profesores permanenti hamutuk 98.
“Ita atu hatene husi neebe, ami nian profesores permanenti nee hamutuk 98, konaba retroativu ami nian profesores balun simu tiha ona retroativu, maibe balun too agora seidauk simu, nain hira mak simu ona osan nee ita seidauk hatene ninia numeru,” nia afirma.
(jac)
