DILI, STLNEWS.co – Bainhira profesores halo esplikasaun materia ho lian portugues, estudantes sei la komprende.
Kestaun nee hatoo husi Diretor Eskola Sekundariu Jeral 4 Setembru Balide, Martinho de Menezes ba STL, Sabadu nee (01/04/2023).
“Ita koalia konaba formasaun nee, hau hanoin hahu iha tinan 2008, nee formasaun konaba lian portugues, maibe depois de 2008 mai nee laos ona formasaun lian portugues, maibe formasaun konaba materia. Nee ita koalia konaba siensia, nee la koalia konaba lian portugues, maibe oinsa mak livru nee hatete, ida nee mak ita halo atende ba ita nia estudante sira nee la kompriende,” tenik nia.
Martinho akresenta, bainhira iha livru nee uza lian portugues, depois profesores sira mos esplika ho lian portugues. Nee estudante sira la komprende buat ruma, nee susar liu, saida mak siensia, nee sira la hatene buat ida.
Martinho dehan, dala ruma labarik sira balun bele koalia lian portugues no estudantes sira nee balun la hatene nafatin, estudantes la komprende nee pior liu tan, tanba nee, maske livru nee lian portugues, maibe profesores sira nee halo esplikasaun ho lian tetum.
(jac)
