Profesores Hanorin Area Espesifiku Menus

DILI, STLNEWS.co – Too agora profesores ba area espesifiku liu-liu sira neebe hanorin iha Tnsinu Tekniku Vokasional (Tekvo) sei menus, no presiza aumenta 50 ou 60, para bele kobre ba departamentu ka kursu neebe iha.

Kestaun nee hatoo husi Diretor Nasional Sekundariu Tekniku Vokasional husi MEJD, Augusto Pereira ba STL, Kinta nee (01/06/2023).

“Professores 166 neebe mak identifikadu ba area espesifiku Tekvo ninia, maibe sura ho profesores husi jeral ninia bele liu ida nee, no presiza atu hadia tan sira nia formasaun hodi bele eleva sira nian konhesimentu, ita sei presiza tan profesores 50 ou 60 tan,” nia informa.

Nia afirma, profesores 166 area espesifiku neebe hanorin iha Tekvo, maibe laos ba deit kursu ida, maibe hotelaria turizmu, konstruksaun sivil, teknik informatika, eletrisidade, tekniku produsaun agraria, tekniku komersiu no kontabilidade, nee se menus nafatin, presiza tan atu kobre ida nee, presiza 50 profesores neebe atu aumenta tan, nee ba area hotu neebe mak sei presiza.

“Ho ita nian departamentu ka kursu neebe barak, ba oin ita presiza aumenta profesor, no planu prioridade ba tinan oin, ami sei kontinua ho formasaun ba ita nian profesores neebe mak hanorin iha Tekvo ninia,” haktuir nia.

(jac)

LEAVE A REPLY

Please enter your comment!
Please enter your name here