DILI, STLNEWS.co – Ministeriu Edukasaun Juventude no Desportu (MEJD) identifika ona profesores rihun 2 resin, neebe tama idade reforma.
Tuir Diretor Jeral Administrasaun, Management no finansas MEJD, Antoninho Pires afirma, tuir levantamentu dadus neebe husi parte edukasaun halo, total profesores neebe ho idade reforma nee hamutuk rihun 2 resin.
“Ami iha profesores rihun 2 resin neebe tama iha idade reforma, dezde tinan hira nian laran halo ona levantamentus dadus, katak ami iha profesores rihun 2 resin neebe mak tama iha idade reforma, maibe sira seidauk reforma, ita nian lei rasik seidauk fo obrigatoriu ba reforma, entaun sira balun hatama ona karta rekerimentu no balun seidauk hatama,” dehan Antoninho ba STL iha nia knaar fatin, Tersa nee (26/07/2022).
Nunee mos Diretor Servisu Edukasaun Munisipal Vikeke, Emidio Amaral deklara, ba tinan ida nee profesores hamutuk 65 iha Munisipiu Vikeke neebe atu tama ba idade reforma ninia, prosesu mak profesor sira halo rekerimentu ba edukasaun, depois manda ba rekursu humanu MEJD, rekerimentu nee balun halo ona no balun seidauk halo, depois balun mate tan, profesores sira nee ho idade 60 ba leten no balun 70 ona.
(jac)
