DILI, STLNEWS.co – Daudaun total profesores neebe hanorin iha eskola teritoriu laran hamutuk rihun 20, hahu husi nivel pre eskolar, ensinu baziku, sekundariu no tekniku vokasional.
Haktuir Direitor Jeral Administrasaun Jestaun no Finansas husi Ministeriu Edukasaun, Antoninho Pires ba jornalista iha edifisiu Ministeriu Edukasaun Vila Verde, Sesta nee (21/07/2023).
“Konaba profesores menus iha eskola nee atu dehan deit, tuir intermus de meritu hau hanoin profesores nee naton ona karik. Atu koalia klaru katak, ita iha profesores permanenti rihun 10, ita iha profesores kontratu rihun 5 hamutuk rihun 15. Ita iha tan 700 mil ital, mai hamutuk kuaze 17 mil,” nia afirma.
Nia dehan, agora mai tan ho maluk sira neebe hanesan profesores voluntariu. Neebe tuir dadus husi ME iha katak, kuaze rihun 5 iha hela. Neebe konta ba mai ho meritus kuaze profesores rihun 20 iha eskola.
Nia dehan, grupu ida seluk mak hanesan baibain rona tiha ona mil 700, tanba nee ho numeru profesores neebe mak mensiona nee, sira mak hanorin estudante sira iha eskola sira teritoriu TL.
(jac)
