DILI, STLNEWS.co – Too agora profesores voluntariu husi Munisipiu Vikeke hamutuk 160, hein hela atu asina kontratu husi parte edukasaun.
Haktuir Diretor SEM Vikeke, Domingos Brandao ba STL husi Munisipiu Vikeke ba STL liu husi telefone, Segunda nee (20/03/2023).
“Dadu ikus reklamantes neebe mak hatama karta nee hamutuk 111, total profesores voluntariu iha Vikeke nee hamutuk 271, maibe pasa nee 160, numeru ida nee mak too agora atu asina kontratu, hamutuk ho sira la pasa nee mak 271, agora sira seidauk asina kontratu tanba buat hotu sei iha prosesu nian laran, no voluntariu sira hein deit,” dehan nia.
Domingos dehan, agora profesores voluntariu sira neebe hatama karta reklamasaun nee, dadus nee husi SEM haruka ona ba iha nasional, para husi nasional bele haree dadus neebe mak husi munisipiu idak-idak harula ona ba, tanba nee ministeriu ninia kompetensia hodi haree asuntu ida nee.
“Dadus reklamante momentu nee husi edukasaun fo deit loron 15, entaun liu ida nee ami tenki haruka ona dadus sira nee ba nasional, tanba nee husi Vikeke ninia dadus ikus mak ohin hau mensiona nee,” haktuir Domingos.
(jac)
