Rekruta Inspetor Eskolar, Depende Ba Orsamentu


DILI,STLNEWS.co – Rekrutamentu ba inspetor eskolar sira iha area remotas, nee depende ba orsamentu.

“Politika Ministeriu Edukasaun nian sei halo ekuadramentu ba inspetór sira neebe atu halo inspesaun ba eskola sira iha Timor laran tomak,” dehan Diretor Jeral Administrasaun Jestaun no finansas husi MEJD, Antoninho Pires ba jornalista sira, Tersa nee (16/05/2023).

Tuir Antoninho katak, atu bele aumenta numeru sufisiente, mezmu agora daudaun nee, ministeriu sei menus hela ba numeru inspesaun sira iha neeba.

“Ami mos tenta sira atu halo kobertura dentru de kapasidade orsamentu neebé iha, tanba nee mak halo rekrutamentu ba inspitór depende ba orsamentu, maibe kuandu ministeriu halo subtituisaun no halo rotasaun nee buat ketak ida,” tenik Pires.

Nia esplika, agora daudaun numeru inspetor iha Timor laran tomak nee hamutuk ema nain 90, husi pre eskolar no sekundaria.

“Ministeriu sei rekruta tan guarda eskola hamutuk ema nain 100 resin iha Timor laran tomak, tau matan ba eskola sira, nee duni agora daudaun nee MEJD foin mak iha manual ida hodi halao prosesu ba rekrutamentu ida nee, maibe depende ba orsamentu hotu.

Iha fatin seluk, Diretor SEM Vikeke, Domingos Brandao dehan, presiza aumenta tan inspetor eskolar para bele halo kontrolu ba eskola sira neebe mak iha area remotas, tanba ho inspetor neebe menus, difisil kobre eskola sira hotu neebe iha area remotas.

“Hau hanoin ita atu kobre ita nian eskola sira iha area remotas nee, hau hanoin ita presiza aumenta tan ita nian inspetor eskolar,” nia haktuir.

(jac)

LEAVE A REPLY

Please enter your comment!
Please enter your name here