DILI, STLNEWS.co – Husu ba Ministeriu Edukasaun Juventude no Desportu (MEJD) atu rezolve problema profesores kontratu no voluntariu.
“Ami nian profesores husi eskola ida nee hamutuk nain ualu (8), profesores sira nee balun hanorin dezde tinan 2016, balun tinan 2017 no sira balun iha tinan 2011, sira nain 8 nee kontratadu, ita husu governu bele karik rezolve sira nian kontratu inklui mos ita nian profesores neebe sei voluntariu hela,” dehan Diretor Eskola Baziku Sentral (EBC – sigla portugues) 30 de Agostu, Filomeno Salsinha, ba STL iha nia knaar fatin, Segunda nee (01/08/2022).
Nia dehan, husi eskola ida nee profesores nain haat (4) mak sei voluntariu tanba sira menus profesores, entaun voluntariu sira nee mak ajuda sira, se bele karik rezolve mos sira nian problema, nunee sira mos bele halao servisu ho diak liu tan.
Entretantu, Baltazar Barromeu hanesan profesor hatete, konaba problema profesores kontratu ninia, nee Diretor mak bele fo komentariu.
(jac)
