DILI, STLNEWS.co – Seameo Qitep In Science husi Indonezia halo kooperasaun ho Inforpede, hodi fo formasaun durante loron 4 ba formador nasional no munisipal sira.
Tuir Visi Prezidente Formasaun Profisional e Kontinua, Veronica Moreira Correia afirma, objetivu prinsipal husi atividades ida nee, iha futuru sira nia planu mak hakarak atu formasaun modalidade oin rua, ida mak nee halo kombinasaun entre online of line, sira hakarak tinan ida nee prepara formador sira ba iha formasaun sira neebe ohin mensiona.
“Ami konvida Seameo Qitep In Science neebe lokaliza iha Indonezia, atu mai fo formasaun konaba ICT ba iha formador nasional nomos formador munisipal sira, tanba objetivu atu bele haforsa profesor sira nian konhesimentu konaba oinsa utiliza liga ba aplikasaun dijital ba iha formasaun ida bolu modalidade dehan, bleading learning, entaun bleading learning mak konbinasaun entre online ho of line,” dehan Veronica ba STL iha Garden beach Pantai Kelapa, Dili, Tersa (14/11/2023).
Veronica dehan, iha nee iha formador nasional no munisipal, formador nasional mak provolta 24, ida neebe mai husi munisipiu mak 26 formadores, sira nee hotu mai aprende, tinan oin atu implementa sira nian programa ida bolu dehan bleading learning.
Kontinua ba pajina 2
Nunee mos Reza Setiawan hanesan Deputy for program SEAMEO QITEP in Science hatete, Seameo Qitep In Science baibain dehan sentru rejional ida husi Seameo nian. Seameo nee rasik kompostu husi nasaun 11 inklui TL no nasaun seluk tan, formasaun ida nee realiza tanba servisu hamutuk entre sentru Qitep In Science ho Infordepe.
“Maneira koperasaun oinsa no bele dehan fundu kontra partila, tanba konvida sira mai uza fundu rasik, kustu sira nian viazen aviaun nian inklui fatin akomodasaun iha TL, husi infordepe mak kustu sira ba fatin formasaun,” katak nia.
Nia dehan, formasaun nee laos foin mak halao, maibe hahu kedas iha tinan hira liu ba, agora halao ba dala tolu ona, iha mos sira oferese formasaun online sira, livre ba profesores hotu bele aplika no tuir formasaun sira nee, ida seluk mak sira mos konvida profesor sira kada tinan ba tuir formasaun.
(jac)
