DILI,STLNEWS.co – Servisu Edukasaun Munisipiu Vikeke halo ona proposta ba Ministeriu Juventude no Desportu (MEJD), nune’e bele rekruta guarda eskola, hodi bele asegura eskola sira iha area remotas.
Haktuir Diretor Servisu Edukasaun Munisipiu Vikeke, Domingos Brandao ba STL, Tersa nee (25/04/2023).
“Ita nian eskola publika sanolu resin mak seidauk iha guarda eskola, agora ita atu asegura eskola ne’e presiza iha guarda eskola ida, para bele halo kontrolu ba eskola sira nee, liu-liu ba eskola sira ne’ebe iha area remotas, maski uluk ita iha guarda eskola, maibe sira ne’e muda fali ba iha Gat no administrasaun ninia, maibe iha area remotas tenki iha guarda eskola,” dehan Brandao.
Domingos dehan, halo ona proposta para bele rekruta guarda eskola, hodi nunee bele haree eskola oinsa loke odamatan no taka odamatan, agora laiha guarda eskola nee, oinsa mak iha guarda eskola.
Halo ona proposta sanolu resin ualu, nee ba ensinu baziku 18, agora ba sekundariu no tekvo nee laiha, proposta nee hatama kleur ona.
Iha fatin seluk, Diretor EBC Bidau Aka diru-hun, Roberto Jeronimo Cristovao dehan, agora daudaun iha EBC Bidau, guarda eskola nee iha duni, maibe guarda eskola nee idade ona, tanba oinsa mak loke no taka portaun.
“Ami nia guarda eskola nee iha, maibe idade ona, tanba nia mak sempre loke odamatan no taka portaun boot eskola ninia, entaun ita presiza iha guarda eskola duni,” nia esplika.
(jac)
