DILI, STLNEWS.co – Husi Universidade no instituisaun 19 neebe eziste iha Timor Leste, 16 mak akreditadu ona no 1 hetan ona lisensa operasional.
Lia hirak nee hatoo husi Diretor Ezekutivu Ajénsia Nasionál ba Avaliasaun no Akreditasaun Akadémika (ANAAA), Nilton Diamantino Paiva Mau ba STL, Segunda nee (18/09/2023).
“Universidade no instituisaun 19 neebe eziste iha Timor Leste, 16 mak akreditadu ona, mak hanesan UCT, no 1 hetan ona lisensa operasional. Foin daudaun dia 8 Agostu ANAAA ba halo ona akreditasaun, maibe rezultadu seidauk sai (IBTL Manufahi) no 1 iha Lauala, Gleno sei iha prosesu submisaun dokumentus ba lisensa operasional, UNTL, UNPAZ, UNDIL, UNITAL, DIT, IOB, ISC, IPDC, ICFP Baukau, ISFIT, IFFS, ICS, ETCI Ermera, IPB Betano, JSI, ISJB Kasait Likisa,” nia tenik.
Paiva dehan, knaar no kompetensia prinsipal ANAAA nian mak kordena atividade akreditasaun no avaliasaun programatika no institusional ba instituisaun ensinu superior tantu publik no privadu iha Timor laran, depois rezultadu husi akreditasaun sei relata ba konselhu diretivu ANAAA no ba Ministru Ensinu Superior Siensia no Kultura. Kordenasaun ho universidade sira durante nee lao diak.
(jac)
