UNPAZ Sei Halao Graduasaun Iha Novembru

DILI, STLNEWS.co – Total finalista husi Universidade da Paz (UNPAZ) hamutuk 1.300 resin mak sei graduasaun iha loron 5 fulan Novembru 2023.

Informasaun nee hatoo husi Reitor UNPAZ, Adolmando Soares Amaral ba jornalista sira iha edifisiu UNPAZ, Segunda nee (11/09/2023).

“Estudante sira tenki gradua iha loron 5 Novembru 2023, entaun naran  sira neebe atu haruka ba iha Ministeriu Ensinu Superior Siensia no Kultura (MESSK) nee, iha loron 5 Outubru 2023, ami mos tenki realiza serimonia gradusaun iha loron 5 fulan Novembru,” dehan nia.

Tuir Adolmando, husi numeru ida nee kompostu husi fakuldade 6 no departamentu 21, nomos iha nivel lisensatura, programa 9 ba nivel mastradu. Naran graduadu neebe husi universidade hatama ba iha MESSK nee, tuir lei nee tenki hatama dadus estudante sira nian, iha loron 30  antes. Konaba dadus sira nee visi dekanu asuntu ademiku ho visi reitor asuntu akademiku foin mak harmoniza dadus sira nee, no sira finaliza ona dadus nee haruka mai iha gabinete, entaun hanesan reitor bele fo sai iha publiku.

“Daudaun nee ita sei iha hela faze preparasaun, tanba nee parte la bele koalia uluk lai, molok harmoniza ba dadus sira nee. Maibé gradusaun akontese iha fulan Novembru,” tenik nia.

Iha fatin seluk, Reitor ISC, Sebastiao Perreira dehan, ISC seidauk iha preparasaun, tanba estudantes balun sei iha faze ezame, no bainhira remata ona mak bele hatene ninia dadus.

Nunee mos Reitor UNITAL, Florindo Pereira dehan, naran finalista nee hatama kedas iha Ministru Anterior, no labele fo komentariu, tanba sei iha hela Surabaya.

(jac)

LEAVE A REPLY

Please enter your comment!
Please enter your name here