DILI- Deskonfia Membru VI Governu Konstitusional nebe Komete Krime Korupsaun maibe kontinua asumi kargu hanesan membru Governu, Primeiru Ministru (PM) Rui Maria Araujo konsidera tenki respeita Prezunsaun Inosensia.
Lia hirak nee hatoo husi Primeiru Ministru Rui Maria de Araujo, ba jornalista sira iha Palasiu Governu, Kinta (19/02/2015).
Ita respetu prinsipiu prezunsaun de inosensia (asas praduga tak bersalah), kuandu seidauk iha desizaun Tribunal ita la bele dehan sala. Maibee ita respeitu mos prosesu Tribunal nia, kuandu lao, wainhira iha Tribunal dehan nia sala no komete krimi nia tenki responsabelidade,” hateten Rui.
Nia hatutan tan katak wainhira define ema nia sala, so husi Tribunal, tamba tribunal maka iha direitu atu julga ema.
Iha parte seluk Sekertariu Estadu (SE) Fortalesementu Institusional Fransisco Borolaco, la simu posse, maibee PM Rui Maria Araujo orienta nia kontinua servisu, hodi hein nia kazu iha Tribunal. Informasaun kompletu iha STL jornal no STL Web, edisaun Sesta (20/2/2015). Joao Anibal
