Governu Obriga Prolonga Mandatu Lere, Nee Interese Politika

DILI- Governu liu husi nia proposta obriga Prezidente Republika (PR) Taur Matan Ruak, hodi prolonga mandatu Xefi Estadu Maior F-FDTL Maijor Jeneral Lere Anan Timur, maibe Prezidente foti dezisaun seluk nomeia fali Brigadiru Filomeno Paixao hodi troka, maibe governu kontinua obriga, nee hatudu katak iha interese politika relasiona ho elisaun 2017, tamba informasaun neebe espaila iha publiku katak Prezidente Taur iha rasik ona ninia partidu.

Tuir Diretor Ezekutivu Asia Justica and Rights (AJAR) Jose Luis katak proposta husi Konsellu Ministru hatoo ba Prezidente Republika obriga nafatin Lere atu asumi nafatin Komadante F-FDTL, maibe sira mos tenki tetu, wainhira sira koandu propoin buat ruma, tenki rona mos ema nee rasik, tamba tuir sira hatene Komadante Lere mos hatoo ona pedidu dala hira ona atu reforma, tamba nia sente idade avansadu ona.

Maibe ladun justu governu hakarak obriga deit maun boot Lere kontinua nafatin sein konsideira ninia kondisaun sira nee, nee ita viola ema nia direitu, nee klaru proposta husi governu, Prezidente tenki konsideira ida neeba, maibe Prezidente sente fartu ona, katak proposta mai husi veteranus nain hirak iha F-FDTL nee governu ladun toma konsideirasaun, prosesu atu ba reforma veteranus sira nee lao neneik liu, maibe ema sira nee idade no fuuk mutin ona sira presiza goza sira nia tempu katuas nee. Maibe governu kontinua obriga Komadante Lere, nee iha interese politika, tamba realsaun ho elisaun 2017 nia, neduni ita tenta politiza buat sira nee hotu, mai hau la dun justu bainhira ita halo buat sira nee,” hateten Jose Luis, ba STL iha nia knar fatin, Farol, Dili, kinta (18/02/2016).

Tuir nia hanoin la Justu bainhira ema neebe maka durante tinan 24 fo ninia didikasaun hodi liberta nasaun nee, agora sei kastigu nafatin nia hodi hasai ninia direitu ba terseira idade, ema neebe tama ona iha terseira idade nee tenki diminui ninia responsabelidade, tempu ona nia atu goza tempu katuas, nia tenki deskansa, la bele obriga nia servisu nafatin.

Iha parte seluk Jurista Manuel Tilman hateten Konstitusaun RDTL hateten nomeiasaun ba Komadante FFDTL ho nia Vice, tenkiser Prezidente Republika maka nomeia, governu maka hatudu, signifika rekomenda ka propoin. Informasaun kompletu iha STL Jornal no STL Web, edisaun Sesta (19/2/2016). Joao Anibal

LEAVE A REPLY

Please enter your comment!
Please enter your name here