DILI-Representante povu iha uma Fukun Parlamentu Nasional (PN) deputada Angelica da Costa husi bankada Fretilin hatete, governu liu husi Ministeriu Turismu presiza halo planu seluk hodi dezemvolve fatin turismu, hanesan Kristu Rei, Area Branca , Estatua Joao Paulo hodi fo benefisiu ba estadu.
Preokupasaun ne’e deputada Angelica fo sai ba jornalista Tersa (7/5) iha PN, katak planu Ministeriu Turismu mak iha rua, hanesan Miss Timor ho Konsertu. Planu seluk hanesan hadia fatin turismu mos pesija hare, tamba fatin turismu mak atrai ema hodi hatama reseitas ba estadu.
“Ministeriu turismu planu dezemvolve potensial turismu fatin Kristu Rei, Joao Paulo Tasi Tolu, Area Branca, iha neba tau siguransa ita nian rasik, kuando ema ruma tama iha neba halo kobrasaun bele hatama reseitas ba estadu. Maibe Nusa mak labele halo planu ruma, halo deit planu mak miss timor,” dehan Deputada Angelica.
Mariano Soares hanesan Sosiadade sivil lamenta katak, governu liu husi Ministeriu Turismu planu dezemvolve area turismu hanesan Kristu Rei, Area Branca, para atrai turista tama iha nasaun hodi fo reseitas ba estadu. Tuir nia hare Planu kria eventu Miss Timor seidauk to’o tempu, diak liu Ministeriu Turismu dezenvolve uluk area Turismu hanesan fatin turizmu iha Fatuberlihu nebe malirin, Kristu Rei no Estatua Joao Paulo iha Tasi Tolu, Dili, hodi atrai turista mai rai laran, no hatama reseita ba estadu.
“Agora governu koalia miss timor hare povu ki’ik preokupa bemos laiha, Estrada a’at, eletrisidade, presiza governu halo planu atu dezemvolve potensial turismu, hanesan iha fatin Kristu Rei, Joao Paulo, tamba nasaun Timor Leste potensial tebes ba turismu, presiza dezemvolve hodi dada turista vizita fatin turismu no bele fo reseita ba estadu,” dehan Mariano. Nunee mos Deputadu Mateus de Jesus hanesan prezidente Komisaun Etika iha PN hatutan Miss Timor ne’e diak, maibe preokupasaun ema hotu nian maka sira nia planu ne’e seidauk tau iha publiku, katak sira atu realize programa Miss Timor nee no uza osan estadu. Jef
