DILI – Komonidade Suku Kaikoli, Sub-Distritu Vera-Cruz, Distritu Dili sente triste tebes tanba oras ne’e dadaun sira kontinua moris deit iha be leten liu-liu iha tempo udan. Tuir komonidade sira ne’ebe hela iha area Kaikoli ba STL iha sira nia hela fatin Tersa (7/5/2013) husu ba governu atu loke ten be dalan iha sira nia bairo atu nune’e udan ben bele labele tama komonidade sira nia uma.
Tinan-tinan ami sempre moris deit iha be nalihun nia leten ne’ebe ho kondisaun ida ne’e ami triste tebes taba ne’e ami husu ba governu liu-liu Ministerio Infrastutura no Obras Publik atu loke tan ami nia be dalan atu nune’e luan no tempo udan be labele nalihun tama ami nia uma hodi estraga ami nia sasan, hatete Arnaldo Coreia. Nia mos hatutan tan katak durante ne’e be tama sira nia uma tanba deit be dalan mak klot tanba ne’e laiha kapasidade ou labele simu volume ne’ebe mak bot tebes iha tempo udan.
Iha fatin hanesan Octavio da Costa Fernandes, mos hatete dalan ikus atu salva komonidade Kaikoli hosi Inundasaun maka governu tenke loke tan be dalan. “Iha Kaikoli ne’e laiha tan ona dala seluk atu salva komonidade sira hosi inundasaun dalan ikus mak governu tenke loke tan be dalan se governu loke tan ona be dalan halo luan no naruk ami sente komonidade Kaikoli sei livre hosi inundasaun,” dehan Octavio. Tuir observasaun STL nian iha terenu realidade ate agora komonidade sira kontinua moris deit iha be no tahu dodok nia leten kuandu tempo udan no impaktu hosi be tama komonidade sira nia uma tanba be dalam mak klot no intupidu ho lisu.ato/son