DILI-Komunidade Australia nebe maka ofrese aan halo servisu volontaria asuda Eskola Primaria (EP) no 4 Fatuhada Dili. Asuda nebe maka sira halo maka hadia sentina ho dapur. Lia hirak ne’e hato’o husi Coordenador da Eskola Mateus Pinto Tilman ba STL Tersa (7/5/2013) iha nia knar fatin katak, sira hetan sentina ho dapur gratuita husi komunidade Autralia ne’ebe hanesan servisu voluntariu. Tamba nee, sira fo ajuda sentina ho dapur gratuita iha sira nia eskola.
“Ami sente kontente tebes bainhira komunidade Australia sira mai koalia ho ami atu halo hadia eskola ida nee liuliu hanesan sentina ho dapur, sira mos koalia rasik ho Ministeriu Educasaun (ME) hodi konkorda atu sira bele halo sentina ho dapur iha sira nia eskola, tan ne’e agora sira kontinua servisu,”hateten nia. Nia informa katak, sira nia servisu ne’e kontinua iha Fulan Marsu too agora atu hotu ona, la kleur taka ona kalen, tamba ne’e sira mos esforsu an makaas atu nune’e bele hotu lalais.
Nune’e mos organizadora MS Snokle hateten, sira sente kontente bainhira husi ME konkorda atu bele halo servisu iha ne’e, ho ida ne’e mak ami mai halao servisu iha ne’e. Durante servisu nee hahu badaen nebe maka halo servisu sira maka selu rasik,”hateten nia.
Nia hatutan, kona ba orsamentu ne’e laos husi ami deit maibe husi NGO balun no mos husi Universidade husi Australia nian, no ajuda gratuita ne’ebe mak sira foba eskola ne’e mak sebtina sala 8 ho dapur ida. Tuir ovservasaun ne’ebe mak STL nota katak, haris fatin ho sentina ne’ebe mak sira halo ida ne’e sufisiente ba alunus sira tamba sala sentina nia mos 8 no luan ho dapur ida,I hsentina ne’ebe mak antigun ne’e at hotu ona.Mj2