DILI – Relasiona ho problema ne’ebe mak Timor Leste ho Australia hasoro konaba mina rai hodi lori malu ba to’o iha tribunal internasional, tuir Amu Bispu Diosece Baucau, Don Basilio do Nasimento, hatete uma kreda sei la tau nia kanuru tohar iha problema ne’e maibe hanesan sidadaun ida nia hakarak TL mak manan.
Lia hirak ne’e Amu Bispu Don Basilio do Nasimento hatete ba jornalista sira iha Palacio Governu Tersa (4/2) foin lalais ne’e, wainhira hasoru malu ho Primeiru MInistru Interinu, Fernando La Sama de Araujo hodi kolia konaba atu konvida Amu Papa mai iha TL iha tinan oin.
Uma kreda sei la hatama nia kanuru tohar ba kazu mina rai tanba uma kreda hatene mak sunu mina rai deit maibe hanesan sidadaun ida ita hotu tenke defende ita nia direitu no hau hakarak ita manan izemplu ema ida hadau hau nia sasan no hau ba husu fali nia lakohi fo ne’e signifika katak o mos hakarak hela ho hau nia sasan ou riku soin ita ema hanesan deit atu kulit metan ou mutin kuandu kanten ema jia sasan ne’e ita hotu kan ten, dehan Amu Bispu Don Basilio.
Iha fatin ketak tuir Manager Oil Transparency Officer ONG Luta Hamtuk, Nelson Miranda, hatete Timor Leste iha posibilidade bot atu manan governu Australia iha kazu CMATS tanba Timor Leste iha evidensia ne’ebe forte. Informasaun kompletu iha STL Jornal no STL Web, edisaun Sesta (7/2/2014). Thomas Sanches