DILI- Bispu nain 3 iha Timor Leste, hasoru malu ho Prezidente Republika (PR) Taur Matan Ruak, hodi deskuti oinsa iha 2015, Timor Leste selebra tinan atus lima, Portugal mai invade iha Timor Leste, liu-liu husi uma kreda.
Husi parte uma kreda nia hanoin, oinsa atu komemora Maromak nia liafuan tama iha Timor ne’e hodi halo Timor sai sarani. Neduni sira hanoin buat ruma atu organiza, atu fo’o importansia ba data nee.
Timor Leste hanesan nasaun ida laos deit Uma Kreda, maibee hanoin oinsa Estadu ho Uma Kreda se liman ba malu atu organiza buat nee. Iha mos hanoin atu lansa ideia ida, hodi konvida Amu Papa mai hamutuk ho Timor oan hodi selebra tinan atus 5 ne’e, agora Amu Papa mai ou la mai nee komformi ona, se amu Papa mai, Amu Papa nunka hela iha hotel, Amu Papa nunka hela iha Governu nia uman no Amu Papa nunka hela iha Bispu sira nia uman, maibee Amu Papa tenki hela iha nia uma rasik naran Nunsiatura, embaixada Vatikanu nia iha nasaun ida, hateten Bispu Baucau Dom Basilo do Nascimeto, ba jornalista sira, hafoin remata inkontru ho PR Taur Matan Ruak, iha Palasiu Prezidensial, Aitrak Laran, Dili, Tersa (04/02/2014).
Prezidente Republika (PR) Taur Matan Ruak mos simu buat nebee Amu Bispu hato’o, maibee buat barak la depende ba PR, PR sei hatoo ba Governu atu hare kestaun sira nee. Informasaun kompletu iha STL Jornal no STL Web, edisaun Kuarta (5/2/2014). Joao Anibal