Abuzu Konfiansa, Olivio Ameasa Pena Suspensaun

DILI-Ministeriu Publiku liu husi alegasaun final husu ba Tribunal atu aplika pena suspensaun ba arguidu Olivio Januario, no parte defesa husu pena neebe kman ba kazu abuzu konfiansa hodi uja ba nia interese privadu.

Arguidu nudar ofisial iha UNDP ameasa pena suspensaun tanba deskonfia sala utiliza osan ho valor $1.250 hodi uja ba nia interese privadu.

Liu husi audensia julgamentu tribunal lee sai akuzasaun husi ministeriu publiko katak iha tinan 2008 arguidu Olivio Januario hanesan ofisiais iha UNDP utiliza orsamentu ho valor $1.250 hodi uza ba nia interese privadu, mak lezadu halo keixa.

Hatan ba akuzasaun nee arguidu Olivio Januario hatete katak, akuzasaun nee los hotu. Maibe osan nee nia parte fo fila tiha ona ba iha konta bankaria UNDP nian. Maibe husi parte tribunal nian mak la hatete arguidu entrega ona ba iha kona bankaria UNDP nian.

Depois rona tiha deklarasaun husi parte arguidu nian, tribunal subnete kedas ba iha alegasaun final. Nunee ministeriu publiku hatete tanba arguidu entrega hikas falo osan nee ba iha UNDP no konfesa hotu akuzasaun neebe iha maibe arguidu komete duni krime abuzu de confiansa tuir artigu iha kodigo penal TL nian. Tanba nee ministeriu publiku husu ba tribunal atu aplika pena suspensaun durante fulan nen nia laran. Informasaun kompletu iha STL Jornal no STL Web, edisaun Sabado (28/3/2015). Domingas Gomes

    

LEAVE A REPLY

Please enter your comment!
Please enter your name here