DILI-Liu husi leitura sentensa, tribunal aplika pena prizaun tinan tolu ba arguido ho inisial FS nebe halo abuzu seksual ba menor idade. Maibe tanba arguido foin primeiraves halo sala, tuir artigu kodigo penal nebe iha, lei fo dalan atu suspende arguido tinan lima husi pena prizaun tinan tolu.
Liu husi akuzasaun nebe iha katak arguido halo krime abuzu seksual menor idade. I iha julgamentu nee arguido la aprejenta testamunha. Iha julgamentu laran, tribunal rona rasik husik arguido, no nia konfesa rasik kona ba nia hahalok nebe nia halo.
Liu husi leitura sentensa, tribunal aplika pena prizaun tinan tolu (3) ba arguido. Maibe tanba arguido foin primeiraves halo krime, no sei vida jovem iha opurtunidade barak atu hadia an. Nebe tuir artigu nebe iha, lei fo dalan husi prizaun tinan tolu nee tribunal bele fo suspensaun deit ba arguido durante tinan lima nia laran. Durante tinan lima nee, arguido labele komete tan krime no labele halo sala tan. Sekuando halo fali, entaun pena mak prizaun tinan tolu.
Arguido ataka lezada, bainhira lezada sai ba kios atu sosa aikose no supermi, iha dalan hetan arguido mak sira lao hamutuk ba sosa tanba arguido mos atu sosa nia iskeru. No fila sira lao hamutuk, to iha uma mamuk ida arguido komesa lamas lezada nia isin lolon. Lezada tenta halai, maske arguido kaer nia liman metin. Domingas Gomes
