DILI-Polisia Nasional Timor Leste (PNTL) sei nafatin halo Esforsu hodi kaptura prizeneirus nain lima, nebe sei sai buronan iha Dili laran, tan nee esforsu PNTL agora kaptura ona prizeneiros nain 19, husu ba komnidade sira atu labele paniku.
Kestaun ne’e fo sai hosi Segundu Komadante Jeral PNTL Komisariu Afonso de Jesus ba STL, iha nia knar fatin Kuartel Jeral Kaicoli Dili, katak polisia kontinua esforsu atu kaptura prizoneiru nebe sei sai buronan.
Hau hanoin ba sira nain 5 nebe ita seidauk hetan nee, maka Polisia sei esforsu atu kaer fila fali ema sira nee hodi lori fila ba iha prizaun, tan ne’e fiar katak esforsu ida nee maka ami halo, no PNTL iha Disatritu hotu hotu hatene ona informasaun sira hanesan nee no sira mos hakas aan atu buka tuir ema sira nee, maibe koloborasaun ita hotu nian imoprtante, karik iha informasaun ruma hato ba iha Polisia atu nunee bele ba kaer fila fali sira, dehan Komisariu Afonso.
Iha fatin hanesan Komandante Polisia Investigasaun Kriminal Nasional (SIKN) Superintendente, Calisto Gonzaga katak, ema sira nebe subar Prizioneru nee mos tama iha kategoria Krime, tamba sira defende ona ema kriminozu, hodi subar iha sira nia uma. Informasaun kompletu iha STL Jornal no STL Web, edisaun Kuarta (20/11/2013). Madalena Horta