SAME– Agrikultor Suku Betano senti tristi tanba agora pesti laho ataka ou han estraga sira sira nia hare. Iha permeira pase hahu irigasaun mota karau-ulun diak sira halo natar lahetan estrga husi pesti laho ou pesti saida deit, maibe segundu pase sira halo natar mak foin hetan estraga husi laho no udan la para, hateten
Prezidente Asosiasaun Akadiruan Natar Betano (A3B) Elias Tilman ba STL iha Betano foin lalais nee.
Tuir Elias, hahu irigasaun nee diak iha 2016 iha fulan Abril iha permeira pase sira halo natar 100 hektares resin. Nunee iga segundu pase iha 2017 sira halo natar total hamutuk 211 hektares, iha permeira pase sira la infrenta problema hare hatudu resultadu diak, maibe iha segundu pase mak sira infrenta problema, laos irigasaun, maibe husi laho han estraga hare no udan estraga.
Mesmu udan been hoban esraga hare no laho han, maibe sira esporsu hasain ona hare balun husi natar laran, balun rontok ou baku ona, balun koleta seidauk hotu sira sei hadau malu hela ho laho no udan been. Laho kuaze iha natar laran sira nee iha hotu balun halo konuk ou fatin iha hare sira nee hodi oan iha natar laran, ida nee sira lahatenee atu halo kombate oinsa.
Nia salenta katak, iha permeira pase Ministeriu Industri Komersia Ambienti (MIKA) mak ba sosa sira nia hare 13 toneladas, agora sira kontaktu ona ho MIKA. Maibe sira nia hare koleta seidauk hotu, no balun sira infrenta problema hetan estraga husi laho ho udan been, tanba udan makaas liu para fatin laiha hoban estraga hare balun.
Tinan idan nee iha Betano laho laos han estraga hare deit, maibe batar tinan ida nee iha Betano laho han estraga barak, tanba komesa batar no hare foin isin laho ataka ona ou han estraga ona. Ida nee mak tinan ida nee povu agrikultura Betano infrenta problema.
Iha fatin hanesan, agrikultor Akadiruoan, Simao Xeisas hateten katak kuaze natar neebe iha Akadiruan laho han, mesmu nia la han hotu maibe kuaze hare barak mak pesti laho han estraga. Nunemos udan been estraga hare balun, tanba hare balun sira koleta tiha sei botuk hela iha natar laran bee hoban estraga, tanba udan fo fatin ou tempu ba povu agrikultura sira futu ba hatama ba tenta laran ou uma laran.
Konaba pesti laho han hare, nee husi kultura kedas. Nee akontese tanba durante nee sira koalia hela konaba kultura atu halo iha natar Akadiruan, tanba sira halibur tiha ona osan balun $5.00 no balun $2.00 maibe too agora konaba kultura ou tradisaun nee la halo. Tanba nee mak konaba naturesa ou kultura sira hirus, tanba sira promote tiha atu halo kultura, maibe too agora lahalo.
Hatan preokupasaun hirak nee Prezidente Asosiasaun Natar Akadiruan Elias Tilman rekonese problema kultura nee, maibe buat sira nee, dala ruma natureza, tanba fatin sira neebe uluk abandona. Agora hodi halo natar hotu, maibe sira sei esporsu buka maneira oinsa bele halo tuir kultura neebe mak iha. Augusto da Costa
