DILI–Ajensia Nasoens Unidus halo inkontru ho membru governu Timor Leste (TL) hodi koalia konaba planu no saida mak sira atu kontinua fo apoiu ba Timor Leste agora no iha futur.
Tuir Primeiru Ministru Interinu, Fernando Lasama de Araujo, ba jornalista sira iha Salaun inkontru Ministerio Negosiu Estranjeiru (MNE), Tersa (4/2/2014) katak inkontru ne’e diak tebes atu hametin liu tan relasaun servisu hodi dezenvolve Timor Leste.
Inkontru ida ne’e hosi Ajensia Nasoens Unidus nian ne’ebe mai halo aprejentasaun ida ba konselho ministru konaba saida mak sira nia planu, saida mak sir abele halo no saida mak sir abele halo nafatin iha future mai hodi apoia Timor Leste no hosi parte governu moos aprejenta sira nia planu asaun annual iha area hotu atu iha hatene apoiu hosu UN nian ne’e mai iha ita nia frakeja ne’ebe iha, dehan Lasama.
Iha fatin hanesan Ministru Comercio Industria Ambiente (MCIA), Antonio da Conceição, hatete inkontru entre Ajensia Nasoens Unidus ho governu Timor Leste ne’e hanesan inkontru preleminar, atu nune’e Nasoens Unidus kontinua fo nia apoiu ba TL. Informasaun kompletu iha STL Jornal no STL Web, edisaun Kuarta (5/2/2014). Thomas Sanches