Akademika Konsidera Deklarasaun Horta ‘Propaganda Politika’ Deit

DILI-Relasiona ho deklarasaun eis Prezidente Republika Timor Leste, Jose Ramos Horta hatete katak, iha tinan 2017 too 2022 nee jerasaun tuan seidauk prontu entrega poder ba jerasaun foun tanba situasaun Timor Leste sei namlele.

Deklarasaun Eis Prezidente nee halo liu husi Konferensia imprensa neebe mak halao foin lalais nee, iha nia rezidensia Metiaut-Dili, wainhira dekalara nia lakandidata-an ba Prezidente Republika (PR) periodu 2017 too 2022.

Ho ida nee, tuir Observador Politika-UNDIL, Francisco Mausoro hatete katak, linguajen neebe mak Eis Prezidente Republika Timor Leste , Jose Ramos Horta koalia nee hanesan propaganda politika deit.

Liafuan ida nee, hau bele dehan propaganda politika,” dehan Observador Politika-UNDIL, Francisco ba STL iha Peace Coffe, Caicoli-Dili, Sesta (10/02/2017).

Observador Politika-UNDIL haktuir, no ida nee mos hatudu katak jerasaun tuan sira lakumpri ona sira nia komprimisu politika neebe sempre hatete beik-beik konaba prosesu tranzisaun husi jerasaun tuan ba jerasaun foun iha tinan 2012 mai.

Iha sorin seluk, Dosente Departementu Siensia Politika-UNTL, Camilio Ximenes dehan,  Horta nia deklarasaun katak 2017 too 2022 sei kaer nafatin husi jerasaun tuan no jerasaun foun 2022 ba leten. Raimundo S. Fraga

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...