DILI- Parte Akademika balun triste eleitor liu-liu estudande la partisipa iha eleisaun prezidensial, hodi partisipa iha festa demokrasia tan nee husu estadu atu labele repete iha futuru.
Tuir Reitor IOB, Augusto da Conceicao hatete hanesan academia senti triste oituan tamba eleitores barak mak la partisipa iha elisaun prezidensial liu-liu estudante no funsionariu balun.
Hau hanesan Akademia ida hau sente triste oituan tamba eleitores barak lapartisipa iha elisaun prezidensial liu-liu estuudante no funsuionariu balun,” dehan Augosto ba STL Kuarta (22/03/2017) iha Salaun Delta Nova Wainhira partisipa Konferensia Nasional Edukasaun.
Nia husu ba governu atu hare didiak nunee iha futuru labele akontese nunee sidadaun hotu-hotu bele partisipa iha festa demokrasia neebe halao kada tinan lima nudar sidadaun Timor. Augusto hatete maske konstitusaun la obriga sidadaun sira atu partisipa iha elisaun prezidensial no parlamenter maibe nudar Timor oan iha direitu tomak atu partisipa hodi fo sira nia votus.
Iha fatin hanesan Reitor ICR Pe. Urbanus Bunga Lolon.SVD hatete estudante balun mai husi munisipiu tamba dok maske governu fo tolerensia loron rua maibe transporte susar tamba nee barak mak latuir votasaun.
Nunee mos Xefi Suku Interino Meti-Aut Mateus Inacio da Costa katak total votantes iha suku Meti- Aut populasaun barak mak la vota tamba iha total eleitor 1.200 maibe sira vota iha deit 820. Timotio Gusmao
