DILI- Tribunal Distrital Dili Liu hisi Desijaun Primeiru Instansia hamonu kastigu tinan 16 ba Arguidu Sabino dos Santos Soares, tamba tribunal Konfirma Arguidu Komete Krime Insestu ou Violasaun Seksual hasoru nia oan hakiak, Vitima Frutosa Madelana Babo Xavier ho idade tinan 15.
Liu husi Audensia Julgamentu ba desizaun tribunal primeiru instansia, Arguidu Sabino dos Santos Soares simu kastigu tinan 16 kadeia. Tanba komete krime insestu (violasaun seksual) hasoru nia oan hakiak rasik vitima Frutuosa Madalena Babo Xavier ho idade tinan 15.
Desizaun primeria instansia ne’e fo sai husi juiz Jose Maria de Araujo, Segunda (22/07) katak Tribunal foti desizaun bazeia ba artigu 172 no 173 kodigu penal, kona ba krime violasaun seksual hasoru menoridade.
Tribunal Prova katak arguidu hanesan aman hakiak nebe kaben ho vitima nia inan, iha loron 3 Dezembru 2011, vitima nia inan ba hanorin eskola, vitima halimar hela ho arguidu nia oan nain 4 iha uma. Tanba arguidu nia fen laiha arguidu aproveita tempu dada vitima ba kuartu laran xave metin odamatan, amiasa vitima no obriga tenki hasai hotu ropa iha isin lolon no toba ho Arguidu. Informasaun kompletu iha STL Jornal no STL Web, edisaun Kuarta (24/7). Timotio Gusmão
