DILI -iha 17 Julhu foin lalais ne’e Alfandega Batugade prende Atributus Artemarsiais rua hanesan, Artemarsiais Persaudaraan Setia Hati Terate (PSHT) no KERA SAKTI iha Sub-Distrito Batugede, Distrito Bobonaro.
Direktur Nasional Operasaun Alfandega, Julião José Ximenes, hateten Servisu Alfandega iha Batugade, semana liu prende atributu artemarsiais, rajaun prende tanba laiha dokumementus komprobativo.
Atributus nebe prende mak hanesan fardamentu ba iha Artemarsias Kera Sakti iha jogu 52, kompostu husi kamizola iha 4 Unidades, atributu marka KERA SAKTI iha 101 unidade inklui mos Sertifikadu iha 51 unidade, Artributu ba iha PSHT karon rua, fardamentu ba treinamentu iha jogu 70, hatete Direktur Nasional Operasaun Alfandega Julião, liu husi komferensia Imprensa iha Salaun Alfandega Nasional, Dili Kuarta (31/07).
Iha fatin hanesan, Komandante PNTL Distrito Dili Superentendente Xefi, Pedro Belo, agradese tebes ba iha serbisu Alfadenga, tanba bele ajuda ona sira nia serbisu hodi prende sasan artemarsiais sira ne’e. Informasaun kompletu iha STL Jornal no STL web, edisaun Kinta (1/8). Tomas Sanches