DILI- Kintu Governu Konstisional liu husi Gabinete Vice Primeiru Ministru, sei aloka osan kuaze rihun 500, ba komisaun Nasional Kontra HIV/Sida hodi halo kampania kontra HIV/sida iha nasaun Timor Leste.
Iha Alokasaun Orsamentu Jeral Estadu (OJE) 2014, Kintu Governu Konstitusional Aloka osan ba iha Vice Primeiru Ministru ho montante orsamentu Millaun 1.629 nebe sei aloka ba iha Salariu no Vensimentu millaun 165, Bens no Servisu 861, Transferensia Millaun 590, Kapital Menor Millaun 13 no kapital Dezemvolvimentu 0.
Liu husi Diskasaun Espesialidade OJE iha Uma Fukun Parlamentu Nasional, Deputadu Virgilio Hornai hatete, aloka orsamentu ba Aktividade Moras HIV/Sida, osan iha transferensia publika ho montante rihun 590.
Ita hare Iha Ministeriu Solidaridade Social ho entidade balun nebe mak apoiu ba servisu prevensaun HIV/Sida, nebe hau husu komisaun nebe mak iha atu halao servisu ho lina ministerias atu servisu nebe mak iha konsetradu no sai independente ba tratamentu Apoiu ba kombate HIV/ Sida, dehan Deputadu Virgilio liu husi Sesaun Plenaria Tersa (21/01/2014) iha Uma Fukun Parlamentu Nasional.
Nune’e mos Deputada Bankada CNRT Bendita Moniz katak iha transferensia publika alokasaun ba HIV/Sida, moras ida ne’e lakohi atu hadeat no moras ne’e perigu ba ema hotu, tamba ne’e mak husu ba Vice Primeiru Ministru, ho osan nebe mak iha bele halo informasaun ba iha area ruruais. Informasaun kompletu iha STL Jornal no STL Web, edisaun Kuarta (22/1/2014). Timotio Gusmão