Alokasaun Osan Boot Ba MAP, Merkadu Tradisional Domina Produtu Importasaun

DILI-kada tinan governu aloka osan boot ba iha Ministeriu Agrikultura, ho montante neeb boot maibe, hare ba merkadu tradisional sira nee sei domina ho produtu importasaun, signifika katak gasta osan deit rezultadu produsaun rai laran laiha.

Preokupasaun nee fo sai husi Reprezentante povu iha uma fukun Parlamentu Nasional, Deputada Jacinta Abucau Pereira ba STL Tersa (28/02/2017) iha nia knaar fatin PN.

Ita hare kada tinan alokasaun orsamentu ba iha Ministeriu agrikultura nee ho montante neebe boot maibe, hare realidade neebe akontese iha baze hatudu katak, merkadu tradisional sira nee sei domina ho produtu importasaun, liu liu fos no produtu sira seluk balun, lolos nee tau osan boot maka produsaun iha rai laran nee tenke garante, no merkadu tradisional labele domina produtu importasaun,” informa nia.

Iha fatin hanesan Deputadu Domingos de Carvalho mos hatutan katak, produsaun aihan iha rai laran kontinua menus tanba nee maka, merkadu tradisional sira nee sei domina ho produtu importasaun husi rai liur, ita hare aihan sira neebe maka faan iha dalan, hanesan husi Dili ba Ainaro ita tesik ba dalan ibun sira nee domina ho POP Mie, lolos nee tau netik ita nia produtu rai laran iha neeba,”informa Deputadu Domingos.

Hatan ba preokupasaun nee Ministru Agrikultura e Peska Estanislau da Silva hateten, produsaun iha rai laran ladun sae makas tanba impaktu husi Mudansa klimatika neebe afeitadu tebes, tan nee halo produsaun ladun sae makas. Madalena Horta

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...