DILI-Reprejentante povu iha uma fukun Parlamentu Nasional (PN) Deputadu Inacio Moreira hosi Bankada Fretilin, hateten Governu ou Ministeriu kompotente laiha kapasidade maka bele aluga fali Ro’o kiik, nebe to’o tempu tasi bo’ot labele halo viazen ba mai.
Deputadu Inacio hateten ro’o nebe governu aluga ki’ik liu, ho nunee kuandu tasi nia ondas bo’ot, ro’o ne’e labele halao operasaun. Nia hateten kestaun ne’e tamba inkapasidade, nune’e fo imapktu ba povu Atauro no Oecusse.
Tamba Roo nebe Governu aluga nee kuandu tasi onras bot ona maka nia labele halo atividade ba mai, tan nee maka it abele dehan inkapasidade atu halo jestaun no sira la antisipa maka povu Atauro ho Oekusse maka sai vitima, tamba lolos nee Governu tenke tau prioridade ba rai rua nee, tamba kareta la liu hosi tasi laran, dehan Deputadu Inacio ba STL, Sesta (24/01/2014) iha nia knar fatin uma fukun PN.
Iha fatin hanesan Vice Prezidente PN Aderito Hugo hatutan, dadaun ne’e TL hasoru problema bo’ot maka Roo, tan ne’e Governu konsege halo subtitui ba Ro’o, maibe ro’o rua nee labele halo atividade tamba klima iha nasaun hotu-hotu kuaze akontese. Informasaun kompletu iha STL Jornal no STL Web, edisaun Sabado (25/1/2014). Madalena Horta/Josefa dos Santos