DILI- Tribunal Distrital Dili (TDD) Kinta (30/1), la halo julgamentu ba arguidu Francisco Pereira, tanba konsidera hanesan kazu simplest nebe bele rejolve liu husi konsolidasaun. No tribunal absolve arguidu husi kazu ameasa nee.
Iha akuzasaun ministeriu publiko akuza arguido katak, iha loron 17 Janieru 2012 iha Sub-Distritu Lequidoe, Distritu Aileu, arguidu la satisfas ho komisaun organizadora veteranus nian nebe la tau nia tempu luta 8-14, maibe tau deit 3-4, tamba ne’e mak arguidu ba ameasa lezadu nebe maka hanesan komisaun organizadora.
Arguido esplika katak, nia ameasa ne’e laos lori sasan kroat ida mak ba ameasa lezado, maibe ho liafuan deit, arguidu ameasa ne’e mos tamba la simu ho komisaun sira nebe tau labarik sira foin moris ikus sira nia durasaun tempu luta 8-14, maibe sira katuas nee tau deit 3-4.
Hau katuas luta desde 75 to ukun an, maibe sira foin sae ne’e nusamak tau fali 8-14, problema mak kona ba ne’e deit laos tan buat seluk tan, deklara nia Tribunal, Kinta (30/1).
Iha fatin hanesan lezada deklara ba tribunal katak, kona ba arguidu nia tolok nee la problema, maibe nia la simu mak arguidu ameasa. Informasaun kompletu iha STL Jornal no STL Web, edisaun Sesta (31/1/2014). Domingas Gomes