DILI- Pais sira neebe mai husi Afrika, liu-liu Angola ho Moçambique admira no apresia tebes Timor Leste (TL) nia progresu, laos iha nivel dezenvovimentu Nasional, maibe liu-liu dezenvolvimentu CPLP neebe TL prezide durante tinan rua.
Lia hirak nee hatoo husi Vice Ministru Negosiu Estranjeiru e Koopersaun, Roberto Soares, ba jornalista sira, hafoin remata Embaixador sira entrega karta kredensial, ba Prezidente Republika Taur Matan Ruak, iha Palasiu Prezidensial, Aitarak Laran, Dili, Kuarta (15/06/2016).
Hau fo enfase importante maka ba pais sira neebe mai husi Afrika, neebe mos balun iha relasaun espesial tebes ho Timor atraves CPLP, maka hanesan Angla ho Moçambique, neebe ohin mai sira kontinua nafatin buka meus buka dalan, hodi aprofunda klean tebes konba relasaun bilateral, relasaun irmaos, relasaun fraternal neebe TL iha ho Angola nomos Mucanbique. Tamba nee sira admira no apresia tebes, TL ninia prosesu no progresu neebe TL halo laos deit iha nivel dezenvovimentu nasional Timor, maibe liu-liu Prezidensial Timor Leste nia ba CPLP, neebe asumi Presidensial ida,” hateten Roberto.
Vice MNEK Roberto mos haklean tan katak TL prezide CPLP hahu husi 2014 too 2016, TL jere diak tebe-tebes, oinsa halo balansu no liu-liu hasae profile CPLP iha rejiaun no iha mundu.
Iha fatin hanesan Embaixadora Mucambique Maria Gustava hanesan reprezentante governu Moçambique mai TL, apresia tebes progresu dezenvovimentu CPLP neebe pais nasaun CPLP entrega ba TL prezide durante tinan 2. Informasaun kompletu iha STL Jornal no STL Web, edisaun Kinta (16/6/2016). Joao Anibal