Anin Estraga Kapela & Uma Eskola

DILI-Anin boot no udan boot durante loron 3 tutuir malu (5-8/2/2017),estraga uma kapela ida iha Suku Mausika no uma eskola ensinu baziku ida iha Suku Nunumoge, nomos uma eskola ensinu baziku ida iha Suku Molop, Postu Administrativa Hatubiliku, Munisipiu Ainaro.

Uma kapela, anin loke sai hotu kalen,kalen balu monu ho baku rahun estatua balu iha kapela laran. Uma eskola ensinu baziku iha Nunumoge no Molop,anin loke hotu kalen sira. Nee halo alunus sira la ba eskola.

Informasaun nee hatoo membru Bankada Fretilin, Antonino Bianco ba STL Uma Fukun PN, Dili, Segunda (20/2/2017). Alende uma kapela no uma eskola, komunidade sira nia uma mos hetan estragus. Haree estragus hirak nee, xefi suku no administrador postu tenke halo levantadadus ba Ministeriu Solidaridade Sosial (MSS).

Nia mos husu xefi aldea,xefi suku,administrador postu no administrador munisipiu, atu orienta funsionariu sira tun ba baze hodi halo levantamentu dadus, depois hatoo ba MSS. Nunee mos Ministeriu Edukasaun (ME) oinsa bele ajuda komunidade para hadia fali uma eskola, kapela no komunidade sira nia uma neebe anin estraga.

Prezidente Komisaun F-PN, Virgilio Hornai hateten,dezastra neebe hamosu husi anin boot semana rua liuba kotuk nee, laos estraga deit uma eskola iha Ainaro maibe mos iha Baucau, Viqueque, Same. Munisipiu sira seluk mos akontese. Ida nee autoridade munisipiu sira tenke halo levantamentu dadaus, hodi hatoo ba MSS no Ministeriu Edukasaun para hadia fali uma eskola sira mak hetan estragus husi anin boot. Augusto da Costa

 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...