FORMATURA—Membru Falintil-Forsa Defeza Timor Leste (F-FDTL), halao formatura hodi partisipa iha loron Falintil ba dala 38, iha Betano, Dili, Tersa (20/8).
BETANO—Prezidente Republika (PR), Taur Matan Ruak gava lideransa Kay Rala Xanana Gusmao, Mari Alkatiri, Jose Ramos Horta, no Mauhuno ne’ebe hamahon an iha Forsa Armada da Libertasaun Timor Leste (Falintil), hodi lidera to’o ukun rasik an, ne’eduni loron 20 de Agustus loron importante tebes ba iha Forsa Falintil sira.
Kestaun ne’e Xefi Estadu Taur Matan Ruak (TMR) hato’o ba jornalista sira, liu husi deskursu ba seremonia aniversariu Falintil ba dala 38, iha Betano-Same, Tersa (20/8), katak funu la hetan susesu, se karik laiha lideransa sira nebe matenek no brani.
Ohin iha fatin ida ne’e, iha ita nia lider Xanana Gusmao ne’ebe sei moris, Mauhuno mos sei moris, Mari Alkatiri, Jose Ramos Horta, sira hotu ne’ebe latemin idak-idak nia naran, maibe fo nia kontribuisaun tomak hodi lidera ita nia nasaun to’o ukun rasik an, hatete TMR.
Nia informa tan katak, TL la haluhan mos, Proklamador Francisco Xavier do Amaral ne’ebe mate ona, saudozu Nicolao Lobato, Segundu Prezidente RDTL, no membru Komite Sentral Fretilin ne’ebe mate tuir-tuir malu, tanba atu liberta povu no nasaun ida ne’e. Informasaun kompletu iha STL Jornal no STL Web, edisaun Kuarta (21/8). Oscar Salsinha-Tomas Sanches
