Antonio:  Laiha Eleisaun Antesipada

Editor : Godinho Barros

DILI— Koligasaun foun neebe lidera husi Partidu CNRT, la kleur tan sei forma Nuno governu no laiha eleisaun antesipada.

Tuir  portavos Koligasaun, Antonio da Conceicão  solusaun ba impase politika  mak nuno governu no laiha tan Eleisaun Antesipada (EA).

Sei garante katak, nonu Governu nee hamrik ona, ita  sei la ba tan Eleisaun Antesipada, dehan   portavos Koligasaun  nee ba STL iha nian rezidensia Tua-ana laran Dili, Tersa (10/03/2020).

Nia hatutan governu ida iha ona, labele ba tan Eleisaun Antesipada no wanhira mosu fila fali EA, signifika laiha vontade politiku husi lider politiku sira.

Portavos afirma Eleisaun Antesipada laos dehan labele, mas   bele tau hanoin hamutuk hodi halo solusaun ruma ba situasaun hirak nee, tanba nee  la   presiza EA.

Ita hotu hatene katak,  Eleisaun nee ita bele halo wainhira tinan lima hotu ona, laos EA hanesan dalan para ita atu bele foti malu no hatun malu, tenik Antonio.

Lider sira katak Antonio  tenke kria kondisaun ida atu hakotu impase politika neebe lao kleur iha rai laran.

Iha fatin seluk,  Konselleru Maximu Partidu Khunto, Naimori Bukar hatete, situasaun agora nee atu ba EA depende ba Prezidente Republika.

Haree ba sitasaun agora nee atu ba tan EA kalae nee depende ba PR nia liman, se PR haree katak dalan ida neebe mak diak liu, ita tuir PR nia desizaun. Karik desizaun PR atu   forma governu foun, prontu, maibe se PR deside ba EA, Khunto prontu, tenik Naimori.

Nunee mos Reitor UNDIL, Jose Agustinho Belo dehan, haree ba situasaun agora  EA posibilidade boot, hanesan bain-bain ema dehan pontensia ba EA nee boot, maibe iha mos potensia atu forma  governu foun  nunee mos insidensia parlamentar.

Nia informa  karik  EA  mos solusaun ida, depende ba PR nia desizaun. Maibe importante lider sira bele solusiona lalais impase, nunee buat hotu bele lao,  dezenvolvimentu bele hodilori moris diak ba  povu, nee mak povu  nia esperansa. Reportajen : Jeniche da Costa

 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...