Arguidu La Koopera, Tribunal Halo Kapturasaun

DILI-Tribunal hasai mandatu kapturasaun hodi kaptura arguidu Jose de Deus, ba krime danu simplest no ameasa hasoru nia inan aman, tanba nia la koopera diak ho tribunal.

Kazu krime danu simplest no ameasa neebe registu ho numeru prosesu 0761/11.PDDIL, Tribunal la konsege realiza audensia julgamentu, tanba arguidu ba kazu refere nunka marka audensia bainhira tribunal notifika.

Liu husi audensia julgamentu tribunal deklara, arguidu refere nunka koopera diak ho tribunal maibe buka halo maneira oioin hasoru justisa. Tanba nee parte defesa husu ba tribunal atu hasai mandatu kapturasaun ba arguidu, tanba iha prosesu nee nia mak halo asaun hasoru nia inan aman. Para atu bele eduka sosiedade sira, tribunal tenke hasai mandatu kapturasun ba nia mak mai koalia iha tribunal.

Ho ida nee tribunal marka fali audensia nee ba iha loron (27/03) tuku 16:00 otl loraik mak kontinua fali audensia julgamentu.

Tuir akuzasaun husi ministeriu publiku katak iha loron (11/03/2011) tuku 22:00 otl arguidu Jose de Deus tolok liafuan at ba nia aman lezadu Luis de Deus no nia inan lezada Rosa Soares. Arguidu mos ameasa nia inan aman sira katak sei lori katana taa mate sira nain rua. Depois nee arguidu kontinua estraga sasan uma laran hanesan odamatan tahan ida (1), armari ida (1), triplek didin uma tahan ualu (8) no bikan fatuk 40. Ho hahalok arguidu nian neebe livre halo ho nia hakarak, ministeriu publiku akuza arguidu ho krime danu simplest no ameasa. Informasaun kompletu iha STL Jornal no STL Web, edisaun Sabado (12/3/2016). Domingas Gomes

LEAVE A REPLY

Please enter your comment!
Please enter your name here